Bu ölkədə peyvənd olunmayanlar gecə çölə çıxa bilməyəcək
Rumıniyada koronavirusa yoluxma hallarının artması səbəbindən gələn həftədən etibarən məhdudiyyətlər sərtləşdiriləcək.
"Romaniajournal" xəbər verir ki, bu barədə Rumıniya prezidenti Klaus Yohannis deyib.
O bildirib ki, maska taxmaq təkcə qapalı məkanlarda yox, açıq havada da məcburi olacaq:
"Tələbələr iki həftəlik tətilə buraxılacaq. Peyvənd olunmamış vətəndaşlarla bağlı da sərt tədbirlər görüləcək. Onlara gecə çölə çıxmaq qadağan olunacaq. Gün ərzində əksər tədbirlərə yalnız yaşıl sertifikatı (peyvəndolunma, immunitet) olanlar buraxılacaq".
O vurğulayıb ki, pandemiyanı dayandırmağın tək həll yolu vaksinasiyadır.
Mənbə: olke.az
Təklifinizi, şikayətinizi bizə yazın. Sizi dinlərik. 055 634 88 31