Bu ölkədə koronavirusa yoluxma kəskin artdı

Olaylar.az Sputnik-Georgia-a istinadən xəbər verir ki,  Gürcüstanda son sutka ərzində yoluxanların sayı 4837 nəfər artaraq, 645195-ə çatıb. 

Bu barədə StopCov rəsmi saytından məlumat verilib.

Məlumata əsasən,  Gürcüstanda  son sutka ərzində 1586 nəfər sağalıb,  26 nəfər isə dünyasını dəyişib.

Yoluxanların artım tempi gün ərzində- 9.79%, son 14 gün ərzində -6.95%,  son 1 həftədə isə-8.52% təşkil edib.

Hazırda Gürcüstanda  1.889.200 nəfərdən  6.837-i  koronavirusa qarşı peyvənd olunub.

Xatırladaq ki, Gürcüstanda ilk koronavirusa yoluxma halları fevralın 26-da qeydə alınıb.