Suriyadan neft sızıntısı Şimali Kiprdə ekoloji təhlükə yaradıb

Suriyadakı elektrik stansiyasından yanacaq sızması Şimali Kipr Türk Respublikası üçün problemə yol açıb.

Suriyadakı elektrik stansiyasından yanacaq sızması Şimali Kipr Türk Respublikası üçün problemə yol açıb. "OLAYLAR" xəbər verir ki, neft sızıntısı Kipr sularına çatıb və Karpaz bölgəsinə təhlükə yaradıb. Mümkün ekoloji təhlükənin aradan qaldırılması məqsədilə ŞKTR hökuməti adekvat addımlar atır və bu məqsədlə hökumətdə Böhran Masası yaradılıb.

Böhran Masasına ŞKTR baş nazirinin müşaviri Hüseyin Amcaoğlu rəhbərlik edir.

Huseyin Amcaoğlu deyib ki,  ilk növbədə, Kıbrıs Türk Sahil Təhlükəsizliyi və Kurtuluş Ltd. Şirkətinin Baryerləri şirkətə məxsus yedək gəmiləri ilə Dipkarpaz Zafer Burnuna daşınmasına başlanılıb.

Amcaoğlu Türkiyə ilə yüksək səviyyəli təmas nəticəsində 4 mütəxəssisdən ibarət bir qrupun bu səhər adaya gələrək sözügedən problemlə bağlı keçiriləcək toplantıya qatılacağını söyləyib.