Azərbaycan əsilli gülüş ustası Moskvada 10 sutkalıq həbs edildi – VİDEO

Moskvanın Taqansk rayon məhkəməsi Azərbaycan əsilli gülüş ustası İdrak Mirzəlizadənin 10 sutkalıq həbs olunmasıyla bağlı qərar qəbul edib

Moskvanın Taqansk rayon məhkəməsi Azərbaycan əsilli gülüş ustası İdrak Mirzəlizadənin 10 sutkalıq həbs olunmasıyla bağlı qərar qəbul edib.

"RİA Novosti" xəbər verir ki, stendap-komik milli zəmində düşmənçilik yaratmaqda günahlandırılıb.

Məhkəmədə Mirzəlizadə onun zarafatının yanlış anlaşıldığını və buna görə üzr istədiyini bildirib.

Qeyd edək ki, həmyerlimiz "Stand-up Club № 1" layihəsinin prodüseri və bir neçə şou verilişinin aparıcısı kimi tanınır. Onun həbsinə səbəb çıxışından kəsilərək "Instagram"da paylaşılan bir fraqment olub.

Görüntülərdə komik "deyəsən ruslar nəcisi özlərinə sürtüb, sonra yatırlar", - deyə bildirib. Məhz bu videonu Vladimir Solovyov öz verilişində nümayiş etdirərək, Mirzəlizadəni rusofob kimi təqdim edib. Hərçənd ki, Mirzəlizadə onun sözlərinin kontekstdən çıxarıldığını və bunun üçün də yalnış anlaşıldığını vurğulayıb.