Yeni Zelandiyanın Baş naziri yerli xalqlardan üzr istədi

Yeni Zelandiyanın Baş naziri Casinda Ardern ötən əsrin 70-ci illərində yerli xalqların nümayəndələrinə qarşı keçirilən sübh yoxlamaları təcrübəsinə görə rəsmən üzr istəyib

Yeni Zelandiyanın Baş naziri Casinda Ardern ötən əsrin 70-ci illərində yerli xalqların nümayəndələrinə qarşı keçirilən sübh yoxlamaları təcrübəsinə görə rəsmən üzr istəyib.

Bu barədə TVNZ telekanalı məlumat yayıb.

Məlumata əsasən, yarım əsr öncə Yeni Zelandiyanın miqrasiya xidməti sübh saatlarında mütəmadi olaraq yerli xalqların təmsilçilərinin evlərində viza yoxlamaları keçirib.

"Sübh reydləri" adını almış prosedur ölkədə irqi zəmində ciddi ayrıseçkiliyin mövcudluğunu təzahür etdirib.