Avstraliya Əfqanıstandakı son əsgərlərini çıxardı

Avstraliya Əfqanıstandan 80 hərbi dəstək əsgərini də çıxarıb. 

Avstraliyanın müdafiə naziri Peter Dutton ölkəsinin 20 illik Əfqanıstan müharibəsindəki iştirakının sona çatdığını söyləyib.

Dutton Əfqanıstandakı 80 dəstək personalının çıxarıldığını bildirərək, əsgərlərin ölkədən çıxmasının "son həftələrdə" reallaşdığını vurğulayıb.

Dutton "Sky News"ə açıqlamasında "Bu, milli maraqlarımıza və ya müttəfiqlərimizə uyğun olduğunu düşündüyümüz ABŞ-la kampaniyaların bir hissəsi olmayacağımız mənasını daşımır" deyib.