Hindistanda yeni koronavirus mutasiyası yayıldı - Bəzi əyalətlər təcrid edildi

Hindistanın Maharaştra əyaləti, delta plus (B.1.617.2.1) adı alan  yeni koronavirus ştammına 20  yoluxma faktı barədə məlumat verib.

Hindistanın Maharaştra əyaləti, delta plus (B.1.617.2.1) adı alan  yeni koronavirus ştammına 20  yoluxma faktı barədə məlumat verib.

"Navi- Mumbaidə, Palgarda və Ratnagiridə delta plus aşkar etdik. Bundan sonra analiz üçün daha çox nümunə göndərdik və hüsabat gözləyirik",- deyə Tibbi Təhsil və Tədqiqat şöbəsinin müdiri doktor T.P. Lahan Hindistan TV-yə bildirib.

Olaylar.az xəbər verir ki, Ratnagiri liman şəhərində yeni ştamma beş yoluxma faktı qeydə alınıb. İki xəstədə  yoluxma əlamətlərinin  olmadığı bildirilir. Hakimiyyət koronavirus infeksiyasının  yayılmasını dayandırmaq üçün mutasiyanın aşkarlandığı rayonları təcrid edib.

Son aylarda bir çox ölkədə 2020-ci ilin 5 oktyabrında Hindistanın  Maharaştra əyalətində aşkar edilən B.1.617 koronavirus ştammına yoluxma halları qeydə alınıb. Yerli həkimlərin fikrincə, bu mutasiya Hindistanda koronavirusun ikinci  dalğasına səbəbolan amillərdən biri ola bilər.

Əvvəllər bu növün üç alt növü - B.1.617.1, B.1.617.2 və B.1.617.3 aşkar edilmişdi. Yeni alt növ isə  sünbül zülalında K417N mutasiyasının olması ilə fərqlənir, bu isə  xəstələnib sağalmış  və vaksinasiya olunmuş insanların orqanizmində zərdab və antitellərin  fəallığını zəiflədə bilər. Hindistan həkimlərinin qeyd etdiyi kimi, bu ştamm ilk dəfə bu ilin martında Avropada aşkar edilmişdi. 

Qeyd edək ki, Hindistan dünyada koronavirusa yoluxma və ölüm hallarının sayına görə ilk yerlərdən birini tutur. Yerli Səhiyyə Nazirliyinin son məlumatına görə, ötən  il mart ayından etibarən, orada koronavirus pandemiyası başlayandan bəri, koronavirusa yoluxanların ümumi sayı 29,8 milyonu keçib, 28,7 milyondan çox insan sağalıb, 386 mindən çoxu ölüb, 729 min koronaviruslu xəstə hazırda  müalicə müalicə olunur.sfera