BU DA OLDU: Koronavirus tələbəni "AĞACA DIRMAŞDIRDI" - FOTO

Hindistanın Telinqana ştatının Nalqonda şəhərinin 18 yaşlı sakini Şiva koronavirusa yoluxduqdan sonra özünü təcrid etmək üçün 11 gün ağacın başında yaşayıb.

Olaylar.az xəbər verir ki, bu barədə İndia.com yazır.

Belə ki, mayın 4-də virusa tutulduğunu öyrənən Şiva həyətlərində olan ağacın budaqlarında özünə yataq düzəldib və ailəsini yoluxdurmamaq üçün burada qalmaq qərarına gəlib.

Tələbə vaxtının çoxunu telefonla danışaraq keçirir, yemək və digər lazımi əşyaları ona özünün qurduğu xüsusi vasitə ilə yuxarı göndərirlər.

Şiva Hindistanın Heydərabad şəhərindəki universitetdə oxuyur və burada koronavirus xəstələrinin sayı kəskin artdığı üçün bir ay öncə evinə qayıdıb.

big.az