Hindistanda sutkalıq yoluxma sayı 401 mini ötdü

Hindistanda sutka ərzində 401 993 nəfərdə koronavirus aşkar edilib. Bu, pandemiyanın başlanğıcından bəri ölkədə ən yüksək göstəricidir.

Olaylar.az xəbər verir ki, Son sutkada 3 523 nəfər pandemiyanın qurbanı olub.

Qeyd edək ki, aprelin 30-da sutkalıq yoluxma 386 452 nəfər olub.

Hindistan koronavirusa yoluxmaların sayına görə dünyada ikinci yerdədir. Səhiyyə Nazirliyinin son məlumatlarına görə, ölkədə ümumilikdə 19,1 milyondan çox COVID-19 xəstəsi qeydə alınıb, 15,6 milyondan çox xəstə sağalıb. Son sutkada 3 523 nəfər pandemiyanın qurbanı olub. Ümumilikdə 211 min insan koronavirus və yanaşı xəstəliklərdən ölüb.