Hindistanda son sutkada "Covid-19"a yoluxanların sayı 250 mini ötdü

Hindistanda son 24 saatda koronavirusa yoluxanların sayı  256 min 947 nəfər,  ölənlərin sayı isə 1757 nəfərə çatıb. 

Olaylar.az xəbər verir ki,  son günlər ölkədə koronavirusa yoluxma və  ölüm hallarında kəskin artım müşayiət olunur. Nəticədə  küçəyə çıxma qadağası qoyulub. 

Qərardan sonra   Hindistanın paytaxtı Yeni Dehliyə  işləməyə  gələnlərin  əksəriyyəti   doğulduqları şəhərə geri göndərilib.  Bu  səbəbdən  avto və  dəmiryol vağzallarında kütləvi sıxlıq   yaranıb.. 

Qeyd edək ki, bu günədək Hindistanda 15 milyon 314 min 714 nəfər koronavirusa yoluxub, 180 min 550 nəfər virusun qurbanı olub.