Rusiyada "Covid-19"un iki yeni növü aşkar edildi

Yeni virus növlərinə "Sibir" və "Şimal-Qərb" mutasiyası adları  verilib. 

Olaylar.az xəbər verir ki, bunu İstehlakçıların hüquqlarının müdafiəsi və insan rifahı sahəsində nəzarət üzrə Federal Xidmətin sədri Anna Popova deyib. Popova "Bu yeni mutasiyalar Rusiya xaricində görülənlərdən çox fərqlidir. " söyləyib.

Qeyd edək ki, Rusiyada son sutkada daha 8 589 nəfər  "Covid-19"a yoluxub.

Bununla da Rusiyada koronavirusa yoluxanların sayı4 710 690 nəfərə çatıb. Ölkədə virusdan ölənlərin sayı isə daha 346 nəfər artaraq 105 928-ə yüksəlib.

Rusiyada indiyədək koronavirusa yoluxan4 310 557 nəfər sağalıb.