Arvadı qumar basqınından qaçarkən ikinci mərtəbədən atladı, əri isə polisləri hədələdi

Türkiyənin Dənizli bölgəsində dərnək adıyla fəaliyyət göstərən qumarxanaya polis tərəfindən basqın edilib.

Olaylar.az Türkiyə KİV-nə istinadən xəbər verir ki,  əməliyyat zamanı polisi görən  qadın 2-ci mərtəbədən atlayıb qaçmaq istəyərkən xəsarət alıb.  Əri isə yaralı arvadının yanına gələrək polisləri hədələməyə başlayıb. 

Hadisə  yerində 1-i  qadın olmaqla ümumilikdə 10 nəfər koronavirus qaydalarını pozduğuna  və komendant saatlarına əməl etmədiyinə görə saxlanılıb. Həmin şəxslərə  63 min TL inzibati pul cəzası tətbiq edilib.