Fransada koronavirusun yeni variantı aşkar edilib

Fransanın şimal-qərbindəki Bretan regionunda koronavirusun yeni variantı aşkar edilib.

Olaylar.az Trend-ə istinadən bildirir ki, bu barədə ölkənin Səhiyyə Nazirliyi bildirib.

Qeyd olunub ki, yeni variant Lanyon şəhərinin xəstəxanasında qeydə alınıb. Martın 13-də qeydə alınmış 79 yoluxma halından 8-nin yeni variant olduğu müəyyən edilib.

Fransa hökuməti zəruri məlumatları beynəlxalq səhiyyə orqanlarına ötürüb.

Qeyd edək ki, Fransada bu günədək 4 milyondan çox şəxs koronavirusa yoluxub, 90 minə yaxın şəxs vəfat edib.