Yunan nəşriyyatında FETÖ liderinə dəstək

Yunanıstanda  FETÖ (Fətullahçı Terror Təşkilatı)  lideri Fətullah Gülən haqqında Jon Pahl tərəfindən yazılmış kitab nəşr olunub. 

Olaylar.az Türkiyə KİV-nə istinadən xəbər verir ki, MEGA televiziyasında tarixçi Jon Pahlın  FETÖ lideri Fətullah Gülən haqqında yazdığı "Xidmətin Ömrü" adlı kitab və Gülən haqqında  danışılıb. 

Kitabın çap olunduğu nəşr evinin müdiri Katerina Markou çıxışında  Fətullah Gülənin təkcə Türkiyədə  yox, dünyanın bir çox ölkələrində bəyənildiyini və din adında etdiklərinə görə minnətdarlığını bildirib. Katerina Markou Fətullah Güləni dini lider adlandırıb.

Proqrama qatılan  Fətullah Gülən isə öz növbəsində  "Yunanıstan bizim üçün çox vacibdir. İki millət bir müddət qardaş kimi idi.  Bəziləri səhv taktikaya uyaraq bizi dostlarımızdan və yoldaşlarımızdan ayırdı. Türkiyə və Suriya deyəndə ağıllara Yunanıstan gəlir.  Yunanıstan  qardaş bir ölkə olduğunu göstərdi" söyləyib. 

Qeyd edək ki,  FETÖ  lideri Fətullah Gülən hazırda Amerika Birləşmiş Ştatlarında yaşayır. 

Gülər Seymurqızı