Meymunlar 8 günlük uşağı oğurlayaraq öldürüb

Hindistanın Thanjavur şəhərində meymunlar evə girərək 8 günlük qız uşağını oğurladıqdan sonra körpə su dolu xəndəkdə ölü tapılıb.

Olaylar.az xarici KİV-nə istinadən xəbər verir ki, fevral ayının 13-də evə girən meymunlar əkiz qızları oğurlamaq istəyiblər. Qızlardan biri qonşular tərəfindən geri  alınsa da, digər körpəni heyvanların əlindən almaq mümkün olmayıb. 

Ananın sözlərinə  görə, hadisə o, ayaqyolunda olduğu zaman baş verib.

Axtarış tədbirlərindən sonra isə 8 günlük körpə xəndəkdə ölü tapılıb.

Qeyd edək ki,  belə hadisələr Hindistanda ilk dəfə  yaşanmır. İki il bundan öncə 16 günlük körpə meymunlar tərəfindən oğurlandıqdan sonra quyunun dibində ölü tapılmışdı.

Gülər Seymurqızı