Sinabunq volkanında partlayış oldu

İndoneziyanın Sumatra adasında yerləşən Şimali Sumatra əyalətindəki Sinabung Volkanında partlayış  baş verib.

Olaylar.az  xarici KİV-nə istinadən xəbər verir ki, 340 saniyə davam edən partlayış zamanı vulkandan çıxan kül və tüstünün vulkanın cənub və cənub-şərqinə doğru təxminən 2500 metr sürüşərək yüksəldiyi bildirilib. Bölgə xalqına xvulkan həyəcan sisteminin  "narıncı" səviyyəsində olduğu xəbərdarlığı edilib.

Məlumat üçün bildirək ki, İndoneziyadakı vulkan həyəcan sistemi 4 mərhələdən  "yaşıl", "sarı", "narıncı" və ən yüksək səviyyə olan  "qırmızı"dan ibarətdir.

Təxminən 400 il sonra, 2010-cu ildə yenidən aktivləşən Sinabung volkanında 2014 və 2016-cı illərdə baş verən püskürmələrdə 23 nəfər həyatını itirmişdi.

Gülər Seymurqızı

Olaylar.az