Navalnının həbs qərarından sonra Rusiyanı etirazlar bürüdü
Rus müxalifətçisi Aleksey Navalnının 3,5 illik həbs qərarından sonra Rusiyada kütləvi etirazlar baş verib.
Olaylar.az xarici KİV-nə istinadən xəbər verir ki, Navalnının bir illik ev həbsi nəzərə alaraq 2.5 il həbsdə qalması gözlənilir. Navalnının vəkili Olga Mixaylova müvəkkilinin təxminən iki il səkkiz ay həbsxanada saxlanılacağını açıqlayıb. Nümayişdə iştirak edən 1400 nəfər saxlanılıb.
Rəsmi Kreml təhlükəsizlik güclərinin nümayişlərə müdaxiləsini müdafiə edib. İnterfaks agentliyinə danışan Kremlin sözçüsü Dimitri Peskov Putinə qarşı etirazlarda Navalnı tərəfdarlarının "icazəsiz" təşkil edilən nümayişlərin "təxribat" məqsədi daşıdığını iddia edib.
OWD-informasiya portalının nümayəndəsinin məlumatında məhbusların "dəhşətli şərtlərdə" tutulduqlarını və yemək yeyib tualetə gedə bilməmələrini qeyd edilib.
Qeyd edək ki, bugünədək Navalnının azadlığı üçün nümayişdə iştirak edən 11 min nəfərdən artıq insan saxlanılıb.
Gülər Seymurqızı
Olaylar.az