Ermənistan prezidenti xəstəxanaya yerləşdirildi

Koronavirusa yoluxmuş Ermənistan prezidenti Armen Sarkisyan xəstəxanaya yerləşdirilib.

Olaylar.az-ın məlumatına görə, bu barədə prezidentin mətbuat xidməti bildirib.

Qeyd olunub ki, bu ayın əvvəlində Londonda koronavirusun yeni ştammına yoluxan A.Sarkisyan ev şəraitində müalicə olunurdu.

Amma həkimlər onda ikitərəfli pnevmoniya aşkar edib. Onun vəziyyəti barədə ətraflı məlumat verilməyib.