Rusiyada qar uçqununun altından dörd nəfər sağ çıxarılıb

Rusiyada yerləşən Krasnoyarsk diyarının Norilsk şəhərində "Qora otdelnaya" dağ xizək kompleksi ərazisində baş vermiş qar uçqununun atlından 4 nəfər sağ tapılıb.

Olaylar.az-ın verdiyi məlumata görə, onlar bir ailənin üzvləridir.

"Qar uçqunu altından daha 2 nəfər özü çıxıb, axtarış işləri davam etdirilir", - məlumatda bildirilir.

Qeyd edək ki, fəlakət nəticəsində beş ev uçqunun altında qalıb, həmin vaxt evlərdə bir neçə nəfər olub. Hadisə yerinə Fövqəladə Hallar Nazirliyin Sibir regional axtarış-xilasetmə briqadasının 50 canlı qüvvəsi və 3 texnikası cəlb edilib.(trend)