Yupiter və Saturn planetləri saatlar sonra bir- birinə çox yaxın olacaq

Bu gün gün batımından sonra Yupiter və Saturn planetləri bir -birinə yaxınlaşacaq.

Olaylar.az Türkiyə KİV-nə istinadən xəbər verir ki, şimal yarımkürəsində ən uzun gecənin yaşanacağı 21 dekabrda  ilk dəfə bir səma hadisəsi baş verəcək. Sonuncu dəfə 1623-cü qeydə alınan bu səma hadisəsi bu gün yenidən gerçəkləşəcək. Bir-birinə yaxınlaşan planetlər ikiqat bir planet kimi görünəcəklər.

İki planet arasındakı bucaq fərqi 0,1 dərəcə olacaq.

Astronomların araşdırmalarına görə bu hadisə 2080-ci ildə yenidən baş verəcək.

Qeyd edək ki, NASA və bir çox astronomiya izləmə mərkəzi və icması Yupiter və Saturnun birləşməsini internetdə canlı yayımlayacaq. 

Gülər Seymurqızı

Olaylar.az