Özbəkistanda koronavirusdan daha bir həkim öldü

Özbəkistanın Səhiyyə Nazirliyi ölkədə koronavirusla bağlı son günün statistikasını açıqlayıb.

Bir gün içində daha 267 nəfər virusa yoluxub.

Beləliklə, ölkədə yoluxma hallarının ümumi sayı 8 298 nəfərə yüksəlib. Həmçinin son sutka ərzində 2 nəfər pandemiyanın qurbanı olub.

Bildirilir ki, həyatını itirənlərdən biri koronavirusla mübarizə aparan həkim olub.

Bununla da, infeksiyadan həyatını itirənlərin ümumi sayı 24 nəfərə çatıb.

Cebhe.info