Moldova prezidenti Rusiyaya səfərindən sonra təcrid olundu

Moldova prezidenti İqor Dodon Rusiyada hərbi paradda iştirak etdikdən sonra Xolerkanda yerləşən iqamətgahında özünü təcrid etmək qərarına gəlib.

Bunu TV8 televiziyasının proqramında prezident deyib.

"Mən bir müddət təcrid olunmaq qərarına gəldim. 48 və ya 72 saat. Nə qədər lazımsa. Bu günə qədər ictimai tədbirlərdə iştirak etməyəcəm. Ancaq gələn həftə görüşmək üçün Oknitsaya gedəcəyəm" deyib Dodon.

Prezidentin sözlərinə görə, o, Moskvaya getməzdən əvvəl iki dəfə koronavirus testindən keçib. Paradda iştirak edən 75 Moldova əsgərinin hamısı sağlamdır.

"Bütün heyətimizdə koronavirus üçün mənfi bir test var. Hərbçilərimiz də Moskvada idi və onların heç biri digər ölkələrlə müqayisədə koronavirusa yoluxmamışdı. Məsələn, bəzi ölkələrin 70-80 əsgəri arasında 40-50 koronavirus aşkar edilib. 75 əsgərlərimizin hamısı sağlam, güclüdür" deyib.

Dodon, eyni zamanda ətrafındakıların COVID-19 yoluxduğu barədə şayiələri də rədd edib.

O qeyd edib ki, bütün pandemiya dövründə prezident aparatında yalnız bir, Dövlət Mühafizə Xidmətində 5 koronavirus aşkarlanıb.

konkret.az