Daha bir ölkə karantin rejimini uzatdı

Kolumbiya 30 iyunda bitməli olan sərtləşdirilmiş karantin rejimini 15 iyula qədər uzadıb.

Bu barədə dövlət başçısı İvan Duke danışıb.

Prezident bildirib ki, buna səbəb yoluxma faktlarında artımın yaşanmasıdır: "Bu müddət ərzində istehsal fəaliyyəti davam edəcək, mağazalar açılacaq. Mövcud izolyasiya qaydaları isə qüvvədə qalacaq".

Qeyd edək ki, Kolumbiya ilk dəfə martın 25-dən etibarən karantin rejimi tətbiq etməyə başlayıb. İyunun 1-də məhdudiyyətlər qismən aradan qaldırılıb.

Son rəqəmlərə görə, Kolumbiyada indiyədək 73 min 572 nəfər virusa yoluxub, 2 min 404 nəfər ölüb. 30 min 4 nəfər sağalıb.

publika.az