Merkel: "Koronavirus Avropanın nə qədər həssas olduğunu göstərdi"

"Koronavirus pandemiyası Avropa İttifaqı (Aİ) tarixində çox ciddi çağırış oldu və Avropanın nə qədər həssas olduğunu göstərdi".

Olaylar.az  Trend-ə istinadən xəbər verir ki, bunu Almaniyanın Kansleri Angela Merkel Bundestaqda çıxışı zamanı deyib.

Kansler iyulun 1-dən etibarən Almaniyanın Aİ-də sədrliyə başlamasını xatırladaraq üzərilərinə nə qədər böyük məsuliyyət düşdüyünü bir daha qeyd edib: "Biz bir tərəfdən böhranı aradan qaldırmalıyıq, digər tərəfdən Avropanı daha rəqabətqabiliyyətli etməliyik".

A.Merkel daha sonra qeyd edib: "Avropanın Almaniyaya ehtiyacı var, necə ki bizim ona ehtiyacımız var".