Kanada-ABŞ sərhədi iyulun 21-dək bağlı qalacaq

Kanada-ABŞ sərhədi iyulun 21-dək bağlı qalacaq.

Bu barədə Kanadanın baş naziri Castin Trüdo öz "Twitter" səhifəsində yazıb.

C.Trüdo bildirib: "Kanada və ABŞ sərhəddəki tədbirlərin müddətinin 30 gün, iyulun 21-dək uzadılması barədə razılığa gəliblər".

Onun sözlərinə görə, bu, həm kanadalıların, həm də amerikalıların təhlükəsizliyini təmin etmək üçün hazırlanmış vacib bir qərardır.

Baş nazirin "Twitter"dəki yazısının şərh bölməsində istifadəçilər koronavirusun ölkəyə Kanada ərazisindən Alyaskaya gedən amerikalılardan keçdiyini bildiriblər.

Qeyd edək ki, Kanada ərazisindən Alyaskaya gedən amerikalılara qarşı məhdudiyyətlət tətbiq olunmayıb.

trend.az