Koçaryanın məhkəməsi yenidən təxirə salındı

Ermənistanın ikinci prezidenti Robert Koçaryanın işi üzrə iyunun 9-na təyin edilmiş məhkəmə iclası növbəti dəfə təxirə salınıb.

Bu barədə Koçaryanın vəkilləri məlumat yayıb. 

Qeyd edilib ki, iclas koronavirusa görə təxirə salınıb. 

Koçaryan 1 mart 2008-ci il iğtişaşlarında, konstitusiya quruluşunu devirməkdə ittiham olunur. O, 2018-ci ildə iki dəfə, 25 iyun 2019-cu ildə isə üçüncü dəfə həbs edilib. 

Hazırda tibb mərkəzində müalicə alır. Məhkəmə pandemiya bitənə qədər Koçaryanın xəstəxanada qalması ilə bağlı vəkillərin vəsatətini təmin edib. 

azvision.az