Tibbi maskaların satışı üzrə avtomatlar istifadəyə veriləcək

Sinqapurda koronavirus pandemiyası ilə əlaqədar ictimai yerlərdə tibbi maskalardan istifadə məcburidir. Apreldə Sinqapurun ilk növbədə oyun sinfinə məxsus fərdi kompüterlər üçün periferiya qurğularının istehsalı ilə tanınan "Razer" şirkəti öz fabrikində tibbi maskaların istehsalına başlayıb, tezliklə sözügedən şirkət "Sunningdale Tech" plastik məmulatlar istehsalçısı ilə birgə ayda 10 milyonadək tibbi maska istehsal etməyi planlaşdırır.

"Razer" şirkəti, həmçinin Sinqapurda tibbi maskaların satışı üzrə avtomatlar şəbəkəsini istifadəyə vermək niyyətindədir. İlk 20 avtomat 1 iyundan etibarən "Frasers Property" ticarət mərkəzlərində əlçatan olacaq. Şirkət ilk 5 milyon tibbi maskanı pulsuz paylamağı planlaşdırır. Sinqapurda artıq tibbi maska ehtiyatı yaradılıb.