Baş nazirdən koronavirusla bağlı şad xəbər

Rusiyada koronavirus pandemiyasının yayılma dinamikası səngiyib.

Olaylar.az xəbər verir ki, bu barədə ölkənin Baş naziri Mixail Mişustin Koronavirusla Mübarizə Koordinasiyası Təşkilatının videokonfransında danışıb.

O bildirib ki, yoluxmadakı artım dayandırılıb və durum pozitiv istiqamətə yönləndirilib.

Sağlamlığına qovuşan və xəstəxanadan buraxılaraq evlərinə göndərilən insanların sayının gedərək artdığına diqqət çəkən baş nazir bunda son 2 ay ərzində aparılan sistematik işlərin böyük rolu olduğunu vurğulayıb.

Son rəqəmlərə görə, Rusiyada sutka ərzində 1 maydan bəri ilk dəfə 9 mindən aşağı sayda insan koronavirusa yoluxub: 8 min 926 yeni yoluxma.

Ölkədə ümumilikdə 290 min 678 nəfər infeksiyaya yoluxub, 70 min 209 nəfər sağalıb. 2 min 722 nəfər ölüb.

publika.az