Polşa prezident seçkilərini elektron poçtla keçirəcək

Müxalifət və insan haqları müdafiəçilərinin müraciətlərinə baxmayaraq, Polşa hökuməti mayın 10-da elektron poçtla baş tutacaq prezident seçkilərini təxirə salmaqdan imtina edib.

Bu haqda məlumatı Euronews telekanalı yayıb.

Müşahidəçilər qeyd edirlər ki, seçicilərin təxminən 60% -i hazırkı prezident Andjey Dudanı dəstəkləməyə hazırdır. Altı nəfər dövlət başçısı vəzifəsinə namizəddir.

Hakim "Qanun və Ədalət" partiyasının lideri Yaroslav Kaçinskinin göstərişi ilə hazırlanan elektron poçtla seçki keçirilməsini Polşa Seymi aprelin əvvəlində təsdiqləyib. Yaxın günlərdə uzaqdan səsvermə ilə bağlı qanun Senat tərəfindən qəbul edilməlidir. Polşanın Baş naziri Mateuş Moravetski uzaqdan veriləcək səslərin etibarlı olacağını söyləyib və senatorları bu təklifi dəstəkləməyə çağırıb.

Donald Tusk da daxil olmaqla Polşanın bir sıra keçmiş prezidentləri və baş nazirləri elektron poçtla səs verilməsinə qarşı çıxıblar.

Avropa Komissiyası Polşada azad və ədalətli seçkilərin keçiriləcəyini gözlədiklərini vurğulayır. Avropa Komissiyası rəhbərinin müavini Vera Yurova planlaşdırılan səsvermə ilə bağlı narahatlığını bildirib.

"Əgər Polşa vətəndaşı olsaydım, bir çox sualım olardı, çünki səsverməyə bərabər əsaslarla daxil olmaq istərdim. "Mən istərdim ki, namizədlər seçki kampaniyasını lazımi vaxtda keçirsinlər" deyib.

Bu arada, son sorğulara görə, mayın 10-da seçkilər keçirilsə, Polşa seçicilərinin 30% -dən azı səs verəcək.

konkret.az