Hindistanda karantin rejimi mayın 17-nə qədər uzadılıb

Hindistan pandemiya ilə əlaqədar elan olunmuş karantin rejimini mayın 17-dək uzadıb.

Olaylar.az xəbər verir ki, ökənin Daxili İşlər Nazirliyi martın 25-dən tətbiq olunan karantin rejiminin ən azı daha 2 həftə davam edəcəyini bəyan edib.

Karantin rejiminə uyğun olaraq bütün ölkə boyu bəzi qadağalar, o cümlədən hava və dəmir yolu nəqliyyatının, metronun, məktəb, kollec və digər təlim-tədris mərkəzlərinin, mehmanxanaların, kinoteatrların, ticarət mərkəzlərinin, idman zallarının fəaliyyətinə olan qadağalar qüvvədə olacaq. Bundan başqa, bütün siyasi və mədəni tədbirlərin, dini mərasimlərin təşkilinə olan qadağa da davam edəcək.

Publika.az