Koronavirusa qarşı anticismləri müəyyən edən yeni ekspress-test hazırlanıb

Rusiya Elmlər Akademiyasının "Biotexnologiyanın fundamental əsasları" Federal Tədqiqat Mərkəzi koronavirus infeksiyasının sürətli diaqnostikası üçün testlər hazırlayır.

Testlər IgM və IgG anticismlərini aşkar etməyə imkan verir. Qeyd edək ki, insanda IgM-nin mövcudluğu xəstəliyin aktiv mərhələdə olduğunu, simptomlarsız IgG isə insanın artıq xəstəliyi keçirdiyini və immunitetə malik olduğunu göstərir.

Testin nəticələri 10-15 dəqiqə ərzində təqdim olunur. Bu halda laboratoriya avadanlığı və tibbi personalın cəlb edilməsi tələb olunmur.

Test-sisteminin prototipi artıq xəstələr üzərində sınaqdan keçirilib. O, SARS-cov-2-yə qarşı anticisimləri müvəffəqiyyətlə aşkar edib.

Bir ay ərzində 100 min testin istehsal olunması nəzərdə tutulub.