Çində koronavirusa yeni yoluxma halları qeydə alınıb

Çində ötən sutka ərzində yeni növ koronavirusa 16 yoluxma halı qeydə alınıb.

Bu barədə Çinin gigiyena və səhiyyə üzrə Dövlət Komitəsindən bildiriblər.

Bildirilir ki, yoluxma hallarından 9-u xarici ölkələrdən qayıdan vətəndaşlarda, 7-si isə ölkə daxilində qeydə alınıb.

Qeyd edilir ki, son sutka ərzində koronavirusdan ölən olmayıb.

Xatırladaq ki, Çində yeni növ koronavirusa ümumilikdə 82 735 yoluxma halı və 4 632 ölüm halı qeydə alınıb. Hazırda xəstəxanalarda 1 041 nəfər müalicə alır, 85 nəfərin vəziyyəti ağırdır.

Bundan əlavə, 77 mindən artıq şəxs sağalıb və evə buraxılıb.

trend.az