Türkiyədə koronavirusdan ölənlərin sayı 1296-ya çatdı

Türkiyədə koronavirus qurbanlarının sayı artmaqda davam edir.

Axşam.az xəbər verir ki, bu barədə ölkənin səhiyyə naziri Fəxrəddin Qoca məlumat verib.

O bildirib ki, son 24 saat ərzində ölkədə 98 nəfər koronaviruslu xəstə dünyasını dəyişib, 4093 nəfər isə infeksiyaya yoluxub.

Ümumilikdə ölkədə COVİD-19-dan vəfat edənlərin sayı isə 1296-ya, infeksiyaya yoluxma halı isə 61 049 nəfərə çatıb.

Türkiyədə bu gün koronavirusdan sağalanların sayı isə 511 nəfər təşkil edir.