Özbəkistanda koronavirusa yoluxanların sayı 1000-ə yaxınlaşır

Özbəkistanda koronavirusa yoluxanların ümumi sayı 896 nəfərə çatıb.

"Qafqazinfo"  xəbər verir ki, bu barədə ölkənin Səhiyyə Nazirliyinin mətbuat xidməti məlumat yayıb.

Qeyd edilib ki, ölkədə ilk COVID-19-a yoluxma halı martın 15-də Fransadan qayıdan yerli sakində aşkarlanıb. Bazar günü koronavirusa yoluxma hallarının sayı 865-ə yüksəlib, 4 nəfər dünyasını dəyişib. 90 minə yaxın insan karantindədir.

Ölkə hakimiyyəti aprelin 1-dən Daşkənd və bölgələrdə özünütəcrid rejimini tətbiq edir, 65 yaşdan yuxarı vətəndaşların evdən çıxması qadağan edilib.