ABŞ kəşfiyyatından şok KORONAVİRUS HESABATI - Trampın 3 ay əvvəl xəbəri olub

ABŞ kəşfiyyatı prezident Donald Trampa yeni növ koronavirusun təhlükəsi barədə dəfələrlə xəbərdarlıq etsə də, dövlət başçısı məsələyə ciddi yanaşmayıb.

Publika.az xəbər verir ki, bu barədə "Washington Post" qəzeti məlumat yayıb. Məlumata görə, kəşfiyyat hələ yanvarın 3-də təqdim etdiyi məruzədə koronavirusun ağır fəsadları olacağı barədə xəbərdarlıq edib. Buna baxmayaraq, hakim dairələr ciddi tədbirlər görməyib. Bildirilir ki, pandemiyaya qarşı ən böyük səhlənkarlıq testlərin vaxtında hazırlanmaması olub.

Qəzetin yazdığına görə, testlər tez hazırlansaydı infeksiya ocaqlarının ilk xəritələrini tərtib etmək və karantin tədbirlərini vaxtında həyata keçirmək mümkün olardı.