İndoneziyada vulkan püskürdü

İndoneziyanın Java əyalətindəki Merapi vulkanı püskürüb.

İndoneziyanın Cokyakarta şəhərində yerləşən Merapi vulkanında yerli vaxtla saat 5:22-də püskürmə baş verib.

Hadisə nəticəsində püskürən kül və tüstünün kraterdən 6 min metr yüksəkliyə qalxdığı bildirilir. Vulkanda püskürmə səbəbindən Boyolalı bölgəsinin bəzi yaşayış məntəqələrini kül bürüyüb. Turistlərə və yerli sakinlərə vulkan ərazisinə 3 kilometrdən yaxın dayanmamaq barədə xəbərdarlıq olunub.

Qeyd edək ki, "Sakit okean halqası" seysmik zonasında yerləşən İndoneziya ərazisində 130-dan çox aktiv vulkan mövcuddur.

qafqazinfo.az