Səudiyyə Ərəbistanından Türkiyəyə xəyanət - Gizli görüş

Səudiyyə Ərəbistanı Suriyanın şimalında SDQ (Suriya Demokratik Qüvvələri) adı ilə fəaliyyət göstərən YPG/PKK ilə əlbir olan ərəb qruplaşmalarına dəstək verir.

Axar.az xəbər verir ki, bunun üçün səudiyyəli 3 hərbiçinin Ayn əl-Ərəb mahalına gedərək ABŞ hərbi bazasında PKK-çı terrorçularla gizli görüşdüyü bildirilir. Qruplaşmaya üzv olanlara 200 dollar maaş vəd edən səudiyyəlilər könüllü toplamaq üçün Hasəkə və Qamışlıda nəzarət məntəqələri yaradıb.

Səudiyyə Ərəbistanının dəstəklədiyi yeni ərəb qruplaşmasının YPG/PKK-nın elan etdiyi qondarma Şimali Suriya Federasiyasının tərkib hissəsi olacağı gözlənilir.

Qeyd edək ki, PKK terror təşkilatı 2016-cı ilin martın 17-də işğal etdiyi bölgələrdə federasiya qurduğunu elan etmişdi