Ermənistanda muzdlu çavuş güllələnib

İstintaq Ermənistan ordusunda müqavilə əsasında xidmət edən hərbi qulluqçu Araik Sarkisyanın ölümünün təfərrüatlarını müəyyənləşdirib. 

İstintaq Ermənistan ordusunda müqavilə əsasında xidmət edən hərbi qulluqçu Araik Sarkisyanın ölümünün təfərrüatlarını müəyyənləşdirib. Çavuş Araik Sarkisyan yanvarın 16-da qarın nahiyəsindən güllə yarası alıb və ölüb. Müəyyən olunub ki, A. Sarkisyanla eyni hərbi hissədə xidmət keçən digər hərbi  qulluqçu odlu silahdan istifadə qaydalarını pozaraq onun qarın nahiyəsinə xəsarət yetirib.

İlkin məlumata görə, hərbi qulluqçu A. Sarkisyana təhkim edilən odlu silahı  götürüb və onun boş olduğunu zənn edərək tətiyi çəkib. O, artıq həbs edilib. Bu barədə  APA.az "news.am" saytına istinadən xəbər verir.