BAK üzvləri Türkiyənin səfiri ilə görüşüb

Benilüks Azərbaycanlılar Konqresinin bir qrup üzvü Türkiyə Respublikasının Niderland Krallığındakı səfiri Sadik Arslanla görüşüb. "OLAYLAR"-ın Diasporla İş üzrə Dövlət Komitəsinə istinadən verdiyi xəbərə görə, görüşdə diaspor nümayəndələri  Somada kömür mədənində qəza nəticəsində baş vermiş faciənin dünya azərbaycanlılarını və Azərbaycan diasporunu dərindən sarsıtdığını vurğulayıblar.  Onlar həmçinin, yüzlərlə insanın ölümü ilə nəticələnən faciə ilə əlaqədar yaxınlarını itirən ailələrə, Türk dövlətinə başsağlığı verib və  qardaş  xalqın kədərini bölüşdüklərini bildiriblər. Türkiyə Respublikasının Niderland Krallığındakı səfiri Sadik Arslan  diaspor nümayəndələrini böyük həssaslıqla qəbul edib. Səfir  bu çətin günlərdə göstərdikləri  diqqətə görə onların hər birinə dərin təşəkkürünü bildirib.