Nazim Hikmət:  “Bəni bəndən yaxşı çıxaran Kamal yoldaşa”...

Bütün ömrünü fotoya həsr edən Kamal Babayevlə tanış olduq. Kamal Babayev Azərbaycan Fotoqraflar Birliyinin, Jurnalistlər Birliyinin üzvüdür. 2014 – cü ildə Prezident İlham Əliyev tərəfindən Azərbaycan Respublikasının fəxri mədəniyyət işçisi adına layiq görülüb.

"Təəssüf ki, Ermənistanla imzalanan protokollar nəticə vermədi" - Abdullah Gül

Öncə xoş sözlər üçün təşəkkür edirəm. İnşallah, xalq belə düşünür. Azərbaycanlı qardaşlarım da belə düşünür. Təbii ki, prezident demək budur, yəni Türkiyə Cümhuriyyətinin Konstitusiyasında prezident hər kəsi, bütün türkləri təmsil edər. Bilirsiniz, bizdə Konstitusiya referendumla dəyişdirildi. Mən prezident olanda isə prezidentin tərəfsiz olması, partiyasından ayrılması və partiyaların fövqündə olması tələb olunurdu. Partiyalı baş nazir ölkənin gündəlik işlərlə məşğul olurdu. Beləliklə, mən də prezident olanda partiyamdan ayrıldım. Təbii ki, könlümdə partiyamın yeri var idi. Amma cavabdehliyimi heç vaxt unutmadım. Ona görə də bütün partiyalara, hər kəsə qapımı açıq tutdum. Çünki Konstitusiya belə əmr edirdi. Mənim kimi düşünən, düşünməyən, fərqli baxışları olan hər kəsin döyə bildiyi qapı oldu Prezident Sarayı. Bunu gücüm çatdığı qədər etməyə çalışdım. Çox şükür, indi xalqın arasına çıxanda, sizin də söylədiyiniz kimi, hər kəsin sevgisini, məhəbbətini görürəm.

"Peşə məktəblərinin infrastrukturu bərbad haldadır" - Direktor

Peşə Təhsili üzrə Dövlət Agentliyi 20 aprel 2016-cı ildə ölkə başçısı cənab İlham Əliyevin müvafiq fərmanı əsasında yaradılıb. Agentliyin fəaliyyəti ölkədə ilk peşə-ixtisas təhsili sahəsində dövlət siyasətinin həyata keçirilməsi, əmək bazarının dəyişən tələblərinə müvafiq ilk peşə-ixtisas təhsili müəssisələrinin işinin təşkili və əlaqələndirilməsi, idarəetmənin təkmilləşdirilməsi, iqtisadiyyatın yeni inkişaf mərhələsinə uyğun olaraq kadr hazırlığına nail olunmasının təmin edilməsindən ibarətdir. Əslində bu gün peşə təhsili sahəsində aparılan islahatlar ümumilikdə təhsil sahəsində aparılan islahatların tərkib hissəsidir. Nəzərinizə çatdırım ki, əvvəllər bu sahə Təhsil Nazirliyində bir şöbə çərçivəsində idarə olunurdu.

Azərbaycanda Ümumi Hesabatlılıq Standartının tətbiqinə başlanılır

Ümumi Hesabatlılıq Standartı (Common Reporting Standard - CRS) vergitutma məqsədləri üçün müxtəlif dövlətlər tərəfindən xarici şəxslərin oradakı maliyyə institutlarında olan hesabları haqqında məlumatların toplanması və həmin şəxslərin rezident olduqları dövlətlərlə avtomatik mübadiləsinin vahid prinsiplərini tənzimləyir. Bu standart 2014-cü ildə İqtisadi Əməkdaşlıq və İnkişaf Təşkilatı (OECD) tərəfindən hazırlanıb.

NATO nümayəndəsi: "Hər iki tərəfi Dağlıq Qarabağ münasiqşəsinin həlli üçün substantiv danışıqlara çağırırıq"

Hesab edirik ki, qonşularımız daha sabit olanda, biz daha təhlükəsiz oluruq. Əlaqələrimiz bizim ortaq marağımıza uyğundur. Məsələn, Azərbaycan bizim Əfqanıstandakı missiyamıza töhfə verir. Eyni zamanda NATO Azərbaycana kömək edir. NATO və müttəfiqləri müdafiə və təhlükəsizlik sahəsində islahatlara dair əhəmiyyətli təcrübəyə malikdir və Azərbaycan bu resursdan silahlı qüvvələrinin və müdafiə sahəsində təhsilin modernləşdirilməsi, silahlı qüvvələrdə şəffaflığın təşviqi, minadan təmizləmə əməliyyatlarının həyata keçirilməsi və NATO təlimlərində iştirak etməklə istifadə edir.

“Özümü Qarabağ məktəbinin nümayəndəsi hesab edirəm”

Uşaqlığımdan səsim olub. Ailədə demək olar ki, hamının səsi var idi. Məktəb illərində bütün tədbirlərdə ifa edirdim. Məktəbi bitirdikən sonra Tibb Universitetinə hazırlaşırdım. Atamın da, özümün də arzum həkim olmaq idi. Uşaq vaxtı valideynlərim məni tara qoymaq istəyirdilər. Müharibə illərinə təsadüf etdiyi üçün onların bu istəyi alınmadı. Daha sonra İncəsənət Universitetinə imtahan verdim.

Anar Ələkbərov: Formula 1 yarışları Azərbaycanın yüksək təşkilatçılıq qabiliyyətini dünyaya bir daha nümayiş etdirdi

Azərbaycan artıq ikinci ildir ki, Formula 1 yarışlarına ev sahibliyi edir. Builki yarışılar Formula 1 üzrə Dünya Çempionatının 8-ci mərhələsidir və Azərbaycan Qran Prisi adlanır. Ötən il olduğu kimi, bu il də yarışların yüksək səviyyədə, təhlükəsiz şəraitdə keçirilməsi üçün bütün lazımi tədbirlər görülüb.

"İmtahanların ödənişli olması sənəd verən məzunların sayını azaldıb"

Buraxılış imtahahanının I mərhələsinin ilkin nəticələri Direktorlar Şurasının iclasında müzakirə edilib və rəsmi olaraq, Təhsil Nazirliyinə təqdim edilib. Təhsil Nazirliyi də bu nəticələri daha ciddi araşdırmaq istəyir.

Onlar mətni danışırlar, mətni oynamırlar

Bu gün həmsöhbətimiz əməkdar incəsənət xadimi, “Şöhrət” ordeni laureatı, yazıçı, ssenarist Natiq Rəsulzadədi. Natiq bəylə  yaradıcılıqdan, filmlərdən bəhs edən müsahibəmizi təqdim edirik.

Filmdə milli təbliğat əsasdır

Hal-hazırda çəkilişləri davam edən, bu il ərzində təqdim olunması planlaşdırılan, yeni milli, ideoloji, vətənpərvər film olan “Mənim adım Azər” filminin ilk xəbəri yayıldığı zamandan filmsevərlərin böyük marağına səbəb olduğu üçün, hələ film haqqında ilk reportajımızda bildirmişdik ki, filmin bütün yaradıcı heyətini sizlərə ardıcıl olaraq tanıdacağıq. Və nəhayət, başlayırıq.

Hikmət Hacıyev: "Ermənistanın substantiv danışıqlar ifadəsindən xüsusi qorxusu var"

Belə təəssürat yaranır ki, Ermənistan XİN-də ya Helsinki Yekun Aktı və BMT Təhlükəsizlik Şurasının qətnamələrinin nə olduğunu bilmirlər, ya da qəsdən Helsinki Yekun Aktı və BMT Nizamnaməsini təhrif edərək beynəlxalq ictimaiyyəti aldatmağa çalışırlar. 

Sosial şəbəkələr insanları məsuliyyətsiz edir

Sosial şəbəkələrin geniş şəkildə yayılması tədricən jurnalist yaradıcılığı, fəaliyyətinə mənfi təsir göstərməkdədir. Belə ki, bir çoxlarının sosial şəbəkələrdə yazdığı statuslar, fikirlər qısa müddət sonra xəbər portallarında, saytlarda əksini tapır. Əksər hallarda isə həmin yazılmış status və fikirlərin yalan olması, həqiqəti əks etdirməməsi üzə çıxır. Elə bu günlərdə müğənni Könül Xasıyeva barədə yayılan xəbərdə bunu aydın müşahidə etdik.

Siyavuş Novruzov: “Qanun qarşısında bu insanlar cavab verməlidirlər”

Bu məsələ hələ ötən il Azərbaycan Respublikasının Konstitusiyasına əlavə və dəyişiklərlə əlaqədar keçirilən referendumda öz əksini tapmışdı. Referendumun bir çox maddələri isnan hüquq və azadlıqlarını əks etdirsə də orada müəyyən struktur dəyişiklikləri də nəzərdə tutulmuşdu. Ümumxalq səsverməsi yolu ilə bu artıq qəbul olundu və hüquqi təsdiqini tapdı. Bundan sonra dövlətin strukturlarında müxtəlif dəyişikliklər və təkmilləşdirmə işləri aparıldı. Beləcə strukturların daha çox çevikliyi, mövcud iqtisadi, ictimai- siyasi proseslərə cavab verməsi ilə əlaqədar olaraq belə bir strukturlar yarandı və yeni təyinatlar həyata keçirildi. Hesab edirəm ki, bu, ilk mərhələdir. Bu cür digər aidiyyatı strukturlarda da müvafiq islahatlar aparılacaq. Bunun effektivliyi daha çoxdur. Çünki aylar, illər, günlər elə dövr edir ki, burada da çox çevik bir mexanizm tələb olunur. Bu çevik mexanizmin yaradılması üçün də struktur islahatlarına ehtiyac var idi.

İsa Həbibbəyli ali məktəblərin hazırlıq qruplarına qəbulun qaydalarını açıqlayıb

Gürcüstanla münasibətləri gərginləşdirmək istəyənlərin məqsədi nədir?

AntiAzərbaycan şəbəkə yenidən fəaliyyətdədir. Bu dəfəki ssenari Gürcüstanla Azərbaycan arasında münasibətlərə zərbə vurmaq, iki ölkə arasında siyasi və diplomatik gərginlik yaratmağa hesablanıb. Son həftələr ərzində qonşu ölkə sərhəddində yaşanan olaylar belə deməyə əsas verir. Xəbərlərdən də məlum olduğu kimi Azərbaycanın müxalif radikal qanadı, daha dəqiq desək Azərbaycan Xalq Cəbhəsi Partiyasının bir neçə fəalı bu günlərdə Gürcüstan ərazisindən Azərbaycana gömrük bəyannaməsindən gizlədilən külli miqdarda pul keçirərkən saxlanılıb. Sonradan aparılan araşdırmalardan məlum olub ki, radikal düşərgə təmsilçilərinin Azərbaycana keçirməyə cəhd göstərdikləri pullar ölkəmizdə təxribat törətmək, ictimai-siyasi sabitliyi pozmağa hesablanıb. Təəccüblüsü və təəssüf doğuran məqamı isə ondan ibarətdir ki, həmin vəsait radikal düşərgəyə erməni lobbisi tərəfindən ayrılıb. Maddi vəsaitin Gürcüstan üzərindən keçməklə Azərbaycana ötürülməsində isə məqsəd yuxarıda qeyd etdiyimiz kimi Tbilisi ilə Bakı arasında süni gərginlik yaratmaqdır.