İranda elektron qandaldan istifadə ediləcək

"Elektron qandallar tətbiq olunduqdan sonra bütün təqsirkarların həbsxanalarda saxlanılması dövrü sona çatacaq".APA-nın "Mehr" xəbər agentliyinə istinadən məlumatına görə, bu barədə İranın həbsxanalar qurumunun sədri Qulamhüseyn İsmaili açıqlama verib. O bildirib ki, yeni qanuna əsasən təqsirkarların bir qismi artıq həbsxanalarda deyil, elektron qandalla nəzarətdə saxlanılacaq: "Bu texnologiya həm təqsirkarların, həm də həbsxanaların xeyrinədir. Bununla da həbsdə saxlanılan məhkumların sayı azalacaq. Elektron qandalı sıradan çıxarmaq mümkün deyil. Kim qandala müdaxilə etsə, dərhal sistem xəbərdarlıq göndərəcək".