Ueyn Runinin ikinci dəfə ata olub

İngiltərə yığmasının və "Mançester Yunayted" klubunun oyunçusu Ueyn Runi ikinci dəfə ata olub. ANS PRESS-in Rusiya mətbuatına istinadən verdiyi xəbərə görə, "Şrek" ləqəbi ilə tanınan futbolçunun bu gün səhər saatlarında oğlu dünyaya gəlib.
Bu, Runinin ikinci oğludur. Onun böyük oğlu Kayın 3 yaşı var.
Sevincini özünün "twitter" səhifəsində bölüşən futbolçu bunları yazıb: "Bizim oğlumuz Entoni Runi bu gün səhər saatlarında doğulub. Biz çox xoşbəxtik".
Xatırladaq ki, Runi "Vest Bromviç" klubu ilə oyunu hamilə olan həyat yoldaşına görə buraxmalı olmuşdu.