16 maddədən ibarət Türkan Şoray qanunları...

"Yeşilçam"ın ulduzu Türkan Şoray Türkiyədə olduğu kimi, Azərbaycanda da kifayət qədər məşhurdur. Hər kəs onun adı gələn zaman məsum gözəlliyini, iri gözlərini və film sektorunda yaratdığı qanunları yada salır. 

"Qafqazinfo" xəbər verir ki, 73 yaşlı ustad kino arenasından uzaqlaşdığını açıqlasa da, hələ də aktrisa kinoları ilə gündəmdən düşmür. Türkiyənin "Takvim" qəzeti əksər insana tam olaraq məlum olmayan "Türkan Şoray qanunları"nı açıqlayıb. 

16 maddədən ibarət olan qanun T. Şorayın özü tərəfindən hazırlanıb. 

 

1. Türkan Şoray filmin ssenarilərini çəkilişdən ən azı 1 ay əvvəl oxumalıdır. 

2. Əgər ssenari bəyənilmirsə, yeni ssenari hazırlanmalıdır. 

3. Filmin rejissorunu və baş kişi qəhrəmanını seçərkən Türkan Şoraydan məsləhət alınmalıdır və o, hə" deyirdisə, layihə baş tuta bilərdi.

4. Türkan Şoray adı afişalarda, kino zallarda başda və tək yazılmalı idi.

5. Filmdə öpüşmə və açıq-saçıq səhnələrə yer verilməməlidir. 

6. Tarixi kinolarda geyimləri şirkət verməli, müasir filmlərdə isə öz paltarlarından istifadə etməlidir. 

7. Kino çəkilişi təkcə İstanbulda olmalıdır, o, İstanbuldan kənara çıxa bilməzdi. 

8. İş vaxtı 08:00-dan 19:00-dək olmalıdır. 

9. Bazar günləri heç bir çəkilişdə iştirak etmir. 

10. Türkan Şoray işlə bağlı gecikmələri cəmi 10 gün gözləyə bilər. 

11. Filmlərin səsləndirilməsində Türkan Şorayın rəyi mütləqdir. 

12. Kinonu şirkət özü çəkməlidir, ortaq bir şirkət layihəyə daxil olursa, T. Şorayla məsləhətlər aparmalıdır. 

13. Əgər çəkiliş müddəti uzadılırsa, birinci T. Şoraydan icazə alınmalıdır. 

14. Şərtlərini pozan şirkətdən 100 min TL cərimə tələb edir.  

15. Müqavilə rəsmi qaydada həyata keçirilir, hər hansı bir pozuntu zamanı şirkət avtomatik olaraq məhkəməyə verilir. 

16. Ən vacib məsələ olan ssenari isə digər kino qəhrəmanlarından əvvəl aktrisaya təqdim edilməlidir. 

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR