Vəkillər Kollegiyası Rəyasət Heyətinin növbəti iclası keçirilmişdir

Aprelin 19-da Vəkillər Kollegiyasının Rəyasət Heyətinin növbəti iclası keçirilmişdir. İclası giriş sözü ilə açan Kollegiyanın sədri Anar Bağırov Rəyasət Heyətinin cari fəaliyyəti, vəkilliyə qəbulla bağlı ixtisas imtahanlarının şifahi mərhələsinin gedişatı, habelə Azərbaycan vəkilliyinin 100 illik yubileyinə hazırlıq işləri barədə iclas iştirakçılarına məlumat vermiş, o cümlədən, vəkillərin yeni döş nişanını iclas iştirakçılarına təqdim etmişdir.

İclasda vəkillərin başqa vəkil qurumuna keçmək, vəkil kabinetlərinin yaradılması, bir sıra vəkillərin mükafatlandırılması ilə bağlı məsələlərə baxılmış, o cümlədən, may ayı üçün Bakı şəhəri və regionlarda fəaliyyət göstərən vəkil qurumları və fərdi vəkillərin növbətçilik siyahısı təsdiq edilmişdir.

Bundan başqa, Rəyasət Heyətinin 25.02.2019-cu il tarixli qərarı ilə təsdiq edilmiş "Azərbaycan vəkilliyinin 100 illik yubileyinin qeyd edilməsi ilə bağlı tədbirlər planı"nın icrası ilə bağlı işçi qrupun yaradılması barədə qərar qəbul edilmiş, "Azərbaycan Respubliksı Vəkillər Kollegiyası üzvlərinin, vəkil köməkçilərinin, Rəyasət Heyəti aparatının və vəkil bürolarının işçilərinin şəxsi işinin aparılması və saxlanılması Qaydaları" təsdiq edilmişdir. 

İclasda Rəyasət Heyətinin üzvü, "Ədalət" Vəkil Bürosunun müdiri Muxtar Mustafayevi 55 illik yubileyi münasibətilə iclas iştirakçıları təbrik etmiş, o, yubiley və vəkilliyin nüfuzunun artırılmasına verdiyi töhfələrə görə  "İsmayılxan Ziyadxanovun xatirə döş nişanı" ilə təltif olunan ilk vəkil olmuşdur.

İclasda həmçinin bir sıra intizam məsələlərinə baxılmış, müvafiq qərarlar qəbul edilmişdir.

Sonda Vəkillər Kollegiyasının fəaliyyəti ilə əlaqədar əhəmiyyət kəsb edən sair məsələlərə baxılmışdır.

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR