MEK-də “Heydər Əliyev dərsləri”

AMEA Qadınlar Şurasının təşkilatçılığı və Mərkəzi Elmi Kitabxananın təşkilati dəstəyi ilə ümummilli lider Heydər Əliyevin anım gününə həsr olunan "Heydər Əliyev dərsləri" adlı tədbir keçirilib.
Olaylar.az bildirir ki, tədbiri giriş sözü ilə açan AMEA-nın vitse-prezidenti, akademik İsa Həbibbəyli Ulu Öndər Heydər Əliyevin ölkəyə rəhbərlik etdiyi bütün dövrlərdə  respublikanın sosial, iqtisadi, elmi-mədəni həyatında dönüş yarandığını, bütün sahələrdə inkişafa doğru köklü dəyişikliklər baş verdiyini deyib. Akademik çıxışında şuranın üzvlərinə gələcək fəaliyyətlərində müvəffəqiyyətlər arzulayıb.
Sonra çıxış edən AMEA Qadınlar Şurasının sədri, professor Rəna Mirzəzadə ümumilli lider Heydər Əliyevin ölkəmizin inkişafı naminə misilsiz işlər gördüyünü, hər zaman qadınlarla bağlı məsələlərə böyük diqqət yetirdiyini, qadın hərəkatına, eləcə də qadınların maariflənməsinə önəm verdiyini vurğulayıb.

Tədbirdə AMEA-nın Mərkəzi Elmi Kitabxanasının direktoru Leyla İmanova Ulu Öndər Heydər Əliyevin zəngin həyat yolu və dövlət quruculuğu sahəsindəki fəaliyyətindən danışıb. MEK rəhbəri Heydər Əliyevin kitabxana işinin təşkili sahəsində xidmətlərindən də söz açaraq "Heydər Əliyev: elektron baza və sənədlərin reyestri" layihəsi çərçivəsində Ümummilli liderlə bağlı yaddaşı əks etdirən və kitabxana fondlarında mühafizə edilən bütün sənədlərin MEK-in Milli Rəqəmsal Yaddaş bazasına daxil edildiyini bildirib
Daha sonra tədbir BDU-un kafedra müdiri, tarix elmləri doktoru İradə Hüseynova, AMEA Hüquq və İnsan Haqları İnstitutunun əməkdaşı, hüquq üzrə elmlər doktoru Mirağa Cəfərquliyev, AMEA-ın müxbir üzvü Səlimə Mehdiyeva və başqalarının çıxışlarının dinlənilməsi ilə davam edib.

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR