Şuranın dəstəklədiyi layihə çərçivəsində müzakirələr keçirilir

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Avrasiya Beynəlxalq Əlaqələr və Araşdırmalar İctimai Birliyi tərəfindən Bakı şəhərində "Qeyri-hökumət təşkilatları üçün Milli Mühasibat Uçotu Standartına əsasən mühasibat uçotunun aparılması Qaydaları" nın layihəsinin hazırlanması adlı layihə həyata keçirilir. İctimai Birlikdən "OLAYLAR"-a verilən məlumata görə, layihənin əsas məqsədi qeyri-hökumət təşkilatları tərəfindən vahid qaydada mühasibat uçotunun aparılmasını təmin edən normativ hüquqi akt layihəsinin hazırlanmasıdır.

Layihə çərçivəsində ilkin olaraq Bakı şəhərində ekspertlərin və QHT nümayəndələrinin iştirakı ilə müzakirələrin keçirilməsi nəzərdə tutulmuşdur. Belə ki, müzakirələr ilkin olaraq 2, 5, 8, 11 oktyabr 2018-ci il tarixlərində Bakı şəhərində keçirilmişdi. Görüşdə Avrasiya Beynəlxalq Əlaqələr və Araşdırmalar İctimai Birliyinin icraçı direktoru Solmaz Əliyeva, QHT sədrləri, mühasibləri və nümayəndələri iştirak edirdilər. İlk öncə tədbiri giriş sözü ilə açan birliyin icraçı direktoru Solmaz Əliyeva iştirakçılara layihə haqqında ətraflı məlumat verdi. Daha sonra tədbir iştirakçıların müzakirələri ilə davam etdirildi və müxtəlif təkliflər səsləndirildi.    

Qeyd edək ki, layihə çərçivəsində müzakirələr yekunlaşdıqdan sonra hazırlanmış "Qaydalar" ın yekun müzakirəsi üçün Bakı şəhərində dəyirmi masanın keçirilməsi nəzərdə tutulmuşdur. 

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR