AzTU-da nə baş verir?

Təhsil ocağı universitetdə baş verənlərə aydınlıq gətirdi

Adətən yeni tədris ili başlayan ərəfədə bir sıra kütləvi informasiya vasitələrində bu və ya digər təhsil ocağı, universitet və institutlar barədə müəyyən məlumatlar yayılır, materiallar dərc edilir. Ancaq bir çox hallarda bu və ya digər təhsil ocağı barədə yazılan, qələmə alınan materiallar hansısa dairələrin maraqlarına xidmət edir, həqiqəti əks etdirmir. Adətən bu kimi yazılar həmin ali təhsil müəssisəsinin reputasiyasına zərər vurmağa, onun nüfuzuna xələl gətirməyə xidmət edir. Yaxıb müddət ərzində Azərbaycan Slavyan Universiteti, Azərbaycan Dillər Universiteti, eləcə də digər təhsil ocaqları barədə dövriyyəyə buraxılan yazıları qeyd etmək olar. Bu günlərdə isə Azərbaycan Texniki Universiteti (AzTU) barədə bəzi kütləvi informasiya vasitələrində material dərc edilib. Bu dəfə adıçəkilən təhsil ocağının magistr tələbələri barədə fikirlər yer alıb. Həmin materialda iddia edilir ki, Azərbaycan Texniki Universitetinin magistrantları AzTU-nu seçməyə peşman olub. Eyni ad altında dərc edilən yazı ilə bağlı adıçəkilən təhsil ocağının mövqeyi özünü çox gözlətməyib. Azərbaycan Texniki Universitetinin (AzTU) ictimaiyyətlə əlaqələr şöbəsinin müsiri Nicat Abdullayev deyib ki,  "Azərbaycan Texniki Universitetinin magistrantları AzTU-nu seçməyə peşman olub" başlığı ilə yazılar tirajlayan bəzi media orqanları və sosial şəbəkə nümayəndələri öz fikirlərində həqiqəti çəks etdirmirlər: "Onlara cavab olaraq bildirirəm ki, Azərbaycan Texniki Universitetində axşam növbəsinin ləğv olunması qanunun tələbinə uyğun olaraq həyata keçirilib. Azərbaycan Respublikasının Təhsil Haqqında Qanununda əyani təhsilin birmənalı olaraq gündüz olması təsbit olunub. Bu o deməkdir ki, əyani olaraq ali təhsil alanlar üçün axşam növbəsinin təşkili qanuna ziddir"
Nicat Abdullayevin sözlərinə görə, axşam təhsilinin əvvəl təşkil olunması, indi isə ləğv edilməsi məsələsinə gəlincə isə onu deyə bilərəm ki, Universitetin axşam növbəsini təşkil etməsi əvvəldən səhv addım olub və indi bu yanlışlıq düzəldilir: "Bununla bağlı olaraq Azərbaycan Texniki Universitetinin rektor əvəzi, professor Xalıq Yahudov 2017-2018-ci tədris ilində həm magistrantlara, həm onların valideyinlərinə, həm də yeni qəbul olunacaq magistrlara sosial şəbəkələr, media və birbaşa görüş vasitəsi ilə xəbərdarlıq edib ki, növbəti tədris ilindən axşam növbəsi ləğv olunacaq. Bundan əlavə olaraq rektor əvəzi sonuncu görüş 2 gün bundan öncə olmaqla 3 dəfə magisrtlarla görüşüb və onlara axşam növbəsinin ləğv olunacağını bildirib, eləcə də növbənin ləğv olunma səbəbini izah edib.  Digər məsələ - "Həm də magistratura pilləsinin 2-ci kursunda təhsil alan tələbələrin bir qismi təyinatla respublikanın müxtəlif zavodlarında işləyənlərdir. Universitetin təyinat verərək magistr tələbələrini işlə təmin etməsi və daha sonra dərs saatlarının vaxtında dəyişiklik edərək 17:45-dən 12:30-a keçirilməsilə, magistr tələbələrinin işləməyinə mane olması paradoks təşkil edir".- yazaraq etiraz edənlərin bu arqumentinə cavab olaraq bildirmək istəyirəm ki, AzTU-da yalnız Xüsusi Texnika və texnologiya fakültəsinin tələbələri təyinatla zavodlarda işlə təmin olunub. Onların iş prosesinin tənzimlənməsi üçün universitet 2 növbəli tədris prosesi təşkil edib. Yəni birinci növbə çalışanlar ikinci növbə təhsil alacaqlar. İkinci növbə çalışanlar isə əksinə 1-ci növbə təhsil alacaqlar. Magistrların tam iş günü işləməsi isə qanunsuzdur. Azərbaycan Respublikası Qanunun Əmək Məcəlləsinin tələbinə uyğun olaraq əyani təhsil alan şəxslər tam iş günü işləyə bilməz. Dolaysı ilə bildirim ki, Universiteti qanunsuzluqda, tələbələrin haqqını pozmaqda günahlandıranlar özləri qanunun tələblərinə əməl etmirlər. Xüsusi qeyd olaraq vurğulamaq istəyirəm ki, bütün dünyada magistr təhsili bakalavr təhsilindən ayrıdır və bakalavr təhsili natamam ali təhsil hesab olunsa da istehsalat üçün yetərli hesab olunur. Magistr təhsili isə əsasən elmi fəaliyyət üçün lazımdır və magistrların tədris prosesi, disertasiya işi yazması, müdafiə etməsi üçün kifayyət qədər zaman lazımdır. Yəni bütün günü işləyib, axşam dərsə gələn tələbə disertasiya işini nə zaman yazacaq? Elmi rəhbəri ilə heç olmasa həftədə 1-2 dəfə görüşməlidir, nə zaman görüşəcək?

Məhəmməd

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR