Uşaqlarda stressə səbəb olan başlıca səbəblər

Televiziya izləmək də uşaqlarda stress yaradır

Uşaqlar ətrafda baş verənlərə böyüklərin təsəvvür edə bilmədikləri qədər həssas yanaşırlar. Hər şey onlara daha tez təsir edir. Belə mənfi təsirlər zamanı uşaqlar da psixoloji pozuntulardan olan stress yaranır. Bəs uşaqlarda stress nə zamandan özünü büruzə verməyə başlayır? Psixoloq Şəbnəm Hüseynova deyir ki, stressi  uşaqlar dünyaya gələn   andan onlar üçün yeni olan mühitdə keçirməyə başlayırlar. Onun sözlərinə görə, uşaqlar, xüsusilə adapdatasiya dövrlərində stress halları keçirirlər: "Belə ki, uşaq baxçasına gedəndə, ailədə söz - söhbət olanda, xəstələnəndə məktəbə getməyə başlayanda və s. stressə məruz qalırlar. Valideynlər əksər hallarda uşaqların stress keçirdiyini anlamırlar. Onlar uşaqda baş verən dəyişiklikləri ya onun şıltağlığında, özünü pis aparması, ya da səhhətində yaranan problemlərə bağlayırlar. Aparılan tədqiqatlar nəticəsində müşahidə olunub ki, uşaqlarda stressə qarşı reaksiyalar müxtəlif yaş qruplarına görə fərqlənirlər. Məsələn, iki yaşına qədər olan uşaqların yuxusu pozulur, əsəbləri çoxalır, yemək yemədən imyina edirlər. Bu cür stressin səbəbi xəstəlik,rejimin pozulması,valideynin stress keçirməsi, yaxın adamdan ayrılıq da ola bilər. 2 yaşına qədər olan uşaqlarda stressi azaltmaq üçün onlarla oyun oynamaq lazımdır.2 yaşdan 5 yaşına qədər uşaqlar stress keçirəndə isə aqressiv davranmağa başlayırlar. Bu yaşda uşaqlarda əhvalın qəfil dəyişməsi, pisləşməsi müşahidə olunur və uşaq bununla mübarizə apara bilmir. Stress bu yaşlı uşaqlarda kəkələmə, hiperaktivlik yaradır. Uşaq stress halında tez-tez ağlamağa başlayır. Stressin səbəbini öyrənmək üçün uşaqların oyun oynarkən  oyuncaqlarına münasibətini müşahidə etmək lazımdır. Çünki uşaq məhz oyun zamanı daha səmimi olur və böyüklərə demədiklərini oyuncaqlarına deyirlər. Uşağı stress vəziyyətindən çıxarmaq üçün rəngli qələmlərlə rəsm çəkdirmək lazımdır". Psixoloq bir məqama da xüsusi diqqət yetirib. Qeyd edib ki, uşaq televiziyaya baxanda da stress keçirir: "Gün ərzində uşaq  heç olmasa bir neçə saat sakitlikdə qalmalıdır. Bu zaman onlar kitablarda şəkillərə baxa, oyun oynaya bilərlər. 5 yaşindan yuxarı uşaqlar stress keçirdiyi üçün özünə qapanır, həmyaşıdları ilə ünsiyyətdən qaçır və sakit olurlar. Bir qrup uşaqlar isə stressə görə özünü pis aparır, əsəbi olur, isterik hallar yaşayır, özünə nəzarəti itirirlər. Uşaq uzun müddət stress halında olanda bu özünü səhhətində də göstərir. Uşaqda qıc olmalar, saçlarını, barmaqlarını dolama və ya udma halları müşahidə olunur". Şəbnəm Hüseynova qeyd edir ki,  stressin yaranmasının səbəblərinin biri də valideynlərin boşanmasıdır: "Vallideynlər bu halı yaşayırsa, uşağa qarşı çox diqqətli olmalıdır. Belə ki, uşağın ana və atası ilə bağlı dünyası bölünməyə başlayır. Stressin neticəsində uşaqda baş ağrıları, gecə qorxulu yuxuların görülməsi müşahidə olunur". Psixoloq deyib ki, valideynlər uşaqlarına həssasla yanaşmalı, onda bu kimi halları müşahidə etdikdə səbəbini bilməli, mütəxəssizlərin köməyi ilə aradan qaldırılmalıdır: "Unutmaq olmaz ki, ailə  uşaq üçün ilk cəmiyyətdir. Valideynlər bunu nəzərə alıb, uşaqlara qarşı ilk ailə mühitini, daha sonra bağça, məktəb mühitini ön planda tutmalıdır".

Məhəmməd

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR