Radikal müxalifət adlandırılan qüvvələr aranı qarışdırmaq istəyirlər

Ancaq onlar nəticə əldə edə bilməyəcəklər

Çünki vətəndaşlarımıza xaos və anarxiya yox, sabitlik və inkişafın davamı lazımdır

Azərbaycanın sürətli inkişafı ölkəmizin beynəlxalq aləmdə yeri və rolunun möhkəmləndirilməsi ilə yanaşı ona olan marağı, diqqəti də artırır. Hazırda dünyanın əksər ölkələrinin Azərbaycanla müxtəlif sahələrdə əməkdaşlığa can atması bunun əyani sübutudur.

Bu gün Azərbaycanın uğurlu iqtisadi inkişaf yolu keçməsinin başlıca səbəblərindən biri də ölkədə mövcud olan sabitlikdir. Bu birmənalıdır ki, sabitlik olan yerdə inkişaf da şərtdir. Bu baxımdan Azərbaycanın bəxti gətirib desək yanılmarıq. Elə millət vəkili Adil Əliyev də deyir ki, ən böyük nemətlərimizdən biri ölkəmizdə olan sabitlikdir. Onun sözlərinə görə, ancaq ölkəmizi qarışdırmaq istəyən qüvvələr hələ də var: "Həm xaricdə, həm də təəssüf ki, daxildə. Ancaq belələri nəticə əldə edə bilmirlər və bilməyəcəklər də. Bu günlərdə sərhəddə silahlı insident baş verdi. Qəhrəman sərhədçilərimiz qanunsuz keçidin qarşısını aldılar. Elə özünü radikal müxalifət adlandıran qüvvələr də aranı qarışdırmaq istəyirlər. Ancaq onlar da nəticə əldə edə bilməyəcəklər. Çünki vətəndaşlarımıza xaos və anarxiya yox, sabitlik və inkişafın davamı lazımdır. Biri də var, bilmirsən onu nə adlandırasan, özünə vəkil deyir, ancaq nəyə və kimə vəkillik etdiyi anlaşılmır. Aslan İsmayılov uzun fasilədən sonra yenə mənim ünvanıma böhtan atıb. Ümumiyyətlə bir azdan bu şəxsin böhtan atmadığı, şərləməyə çalışmadığı həmvətənlimiz qalmayacaq. 1 saatlıq açıqlamada ən azı 30-40 nəfərin adını çəkib və hamısınıın ünvanına ağlına gələni danışıb. Yəni bu açıqlamada onun böhtanları ilə bağlı ən azı 3-4 məhkəmə işi açmaq olar. Bu adam hüquq təhsilini necə alıb, məhkəmədə necə vəkillik edib, adam məətəl qalır. Hüququn "a" hərfi ondan başlayır ki, sübutun, faktın yoxdursa başqasına qarşı ittiham irəli sürməzlər, əks halda səni böhtançı, yalançı, şərçi adlandırırlar. Ona görə elə adı üstündədir. Məsələn açıqlamasında deyir ki, guya məktəb direktoru ilə idmançı arasındakı qovğada mən ikincini dəstəkləyirəm və həmin idmançı guya mənim təlimatımla hərəkət edir. Yəni bu "hüquqşünasın" məntiqi belədir ki, ölkədə bütün idmançılara və onların cəmiyyətdə özlərini necə aparmalarına mən cavabdehəm. Birincisi, bəli həmin idmançını tanıyıram, görüşəndə salamlaşırıq, birgə şəkillərimiz də var. Mən millət vəkiliyəm, minlərlə insanla şəkil çəkdirib, salamlaşıram. Ancaq bu salamlaşma mənim həmin adamların nə etdiklərinə və nə edəcəklərinə məsuliyyət daşıma anlamına gəlmir. Bunu hüququ biliyi olmayan azyaşı uşaq da anlayar, bircə üzdəniraq məlum hüquqşünasdan başqa. Məktəb direktoru ilə idmançı arasındakı olay barədə mətbuatdan oxumuşam, kimin haqlı, kimin haqsız olduğun da bilmirəm. İkincisi, ay "hüquqşünas" parlament seçkisi arxada qalıb, Sən mənə 3 dəfə məğlub olmusan, bunu bizim dairədə və ölkədə bilməyən yoxdur, Sən isə məktəb direktoru ilə idmançı arasındakı qovğanı da gətirib ikimizin arasındakı seçki yarışına dürtürsən. Bir gün 11 sentyabrı - terrorçuların Amerikaya hücumunu da mənimlə əlaqələndirib seçki yarışında məğlubuiyyətinə dürtməyə çalışsan. Bundan təəccüblənmərəm. Çünki, sənin təbiətin belədir. İnsanları şərləməyin azmış kimi bölücülüklə məşğul olmağa başlamısan. Həmin videomüraciətində insanlara əməllərinə görə deyil, hansı regiona bağlı olduqlarına görə qiymət verirsən. Bu da hüququn və insanlığın ən aşağı nöqtəsidir. Biz azərbaycanlıyıq və hər kəs əməlinə, dediyi sözə görə cavab verir və verməlidir. Həmin idmançı və ya məktəb direktoru da həmçinin. Sənə baş qoşmaq istəmirəm, bilirəm ki, tanınmış insanları şərləməkdə, böhtan atmaqda məqsədin var, istəyirsən cavab reaksiyası alasan və bununla polemikanı genişləndirməklə gündəmdəki "ağırlığını" qoruyasan. Əslində sənə baş qoşmaq istəmirəm, daha vacib işlərim var, ancaq mənə aid böhtanlarını da cavabsız qoymaq fikirndə deyiləm. Səhv etmirəmsə kiməsə böhtan atdığına görə bu yaxınlarda məhkəmə səni islah işlərinə məhkum edib, ancaq səni heç nə islah edə bilmir, bu dövlət, bu millət səndən nə xeyir görən deyil, bir cəzadan qurtulmadan, bir başqasına iddia edirsən. Görünür sənin həyat kredon budur".

Məhəmməd

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR