Azər Badamov: “Azərbaycan beynəlxalq görüşlərinin keçirilməsi üçün müasir şəraitlərə malik ən təhlükəsiz məkandır”

"Danford və Qerasimovun görüşünün Bakıda keçirilməsi Azərbaycan prezdentinin uzun illər boyu apardığı uğurlu beynəlxalq siyasətin göstəricisidir". "OLAYLAR"-ın xəbərinə görə, bu fikirləri millət vəkili Azər Badamov səsləndirib. O, bildirib ki,  Azərbaycandakı sabitliyiə, təhlükəsizliyə və yüksək multukultural mühütə dünyanın super güclərinin etibar etməsi, ölkəmizin dünya üçün böyük əhəmiyyətə malik olduğunu göstərir: "Dünyanın iki supergücün Bakıda görüşməsinin kökündə aşağıdakı məqamlar dayanır.
Birincisi, Azərbaycan prezdentinin dünyada şəxsi nüfuzu çox yüksəkdir. Dövlət başçımız həm ABŞ-ın , həm də Rusiyanın rəhbərləri ilə yüksək dostluq münasibətləri qurmuşdur. Bu dostluqun da təməlində cənab İlham Əliyevin heç kimdən çəkinmədən apardığı müstəqil dövlət siyasəti durur. Həm də ABŞ-ın və Rusiyanın Azərbaycana strateji tərəfdaş olaraq etibar edir. Azərbaycan hər zaman üzərinə götürdüyü beynəlxalq öhdəlikləri yüksək səviyyədə icra edir. İkincisi, Azərbaycan beynəlxalq görüşlərinin keçirilməsi üçün müasir şəraitlərə malik ən təhlükəsiz məkandır. Son illər paytaxtımızda keçrilən beynəlxalq tədbirlər də bunu deməyə imkan verir. Həm də beynəlxalq görüşlərin təşkilində Bakının təcrübəsi böyükdür . Bu günə qədər ölkəmizdə baş tutan hər bir görüş çox yüksək səviyyədə təşkil olunub və görüş iştirakçıları çox məmnun qalıblar. Üçüncüsü, Azərbaycan iqtisadi və siyasi baxımdan tam müstəqil ölkədir. Heç kimdən asıllığı yoxdur. Öz gələcəyini özü müəyyənləşdirir. Azərbaycanın belə azad mövqeyi dünya əhəmiyyətli görüşlər üçün əhəmiyyətini artırır".

Maraqlı xəbərləri Olaylar.Az Facebook səhifəmizdən izləyin.

Loading...

Şərh yaz:

DİGƏR XƏBƏRLƏR